Мөрөөдөхөд мөнгө төлөхгүй

Хүн өөрт байгаа сайн сай­хан бүхнээ тэр бүр бүрэн гүйцэд мэдэрч чад­даг­гүй. Гэтэл танд, на­дад эсвэл түүнд өөр хэнд ч байхгүй тийм нэг нан­дин чанар, бие махбодь, ур авьяас байх жишээ­тэй. Хараагүй хүмүүс өг­лөө сэрэхдээ, мэлмийгээ нээн мандах нарыг шир­тэх юмсан хэмээн нэг бус удаа залбирч, мөрөөд­лөө хааш нь ч юм илгээж үз­сэн л байгаа. Тулах эрх­тэн­гүй хүмүүс цас
шажиг­нуу­­лан алхах юмсан гэж мө­­рөөддөггүй гэж үү. Мөн­­гөгүй нь хөрөнгөтэй бо­­лох, хөрөнгөтэй нь эрүүл болох, эрүүл нь найз нөхөдтэй болох гэх мэтчилэн хүрч болох, эс­вээс үл хүрэх мөрөөдөлд тэ­мүүлэн амьдрах авай. Энэ ч бүтэхгүй дээ хэмээн пессимист зан гаргаж  байснаас энэ найд­вар­тай бүтнэ хэмээн оп­ти­мист зантай амьдрах нь зүйн ёс билээ. Мөрөөдөл зо­рилгыг тодорхойлдог гэдэг.

Жон Рокфеллер за­луу­даа зуун мянган дол­лар­тай болж зуу хүртэл нас­лах юмсан гэх мө­рөөд­лөө найздаа ярьж инээл­гэж байсан түүхтэй. Тэр 97 насыг зооглож хор­воог орхихдоо 1.4 тэр­бум ам.долларын (одоо­гийн ханшаар 192 тэр­бум) хөрөнгө хуримт­луул­сан юм. Бараг л мөрөө­дөл­дөө хүрэх шахаж шүү. Иймд том мөрөөдөж байя. Ямар мөнгө төлөх биш.

Д.БАТ-ЭРДЭНЭ