Мэргэн үгс 1

 Жаргал зовлон тохиолдох хэмжээнээсээ бус, бид түүнийг аль хэр хүлээж авч байгаагаас л хамаардаг.
                                                                                                                             Ларушфуко

Золгүй явдлыг тэвчин гарч чадахгүй байгаа тэр хүн л хамгаас золгүй .
                                                                                                                                     Биант

Чамд хичнээн золгүй явдал учирлаа ч нөхөддөө хандах сэтгэлээ бүү хувирга.
                                                                                                                                 Периандр

Зовох цагтаа сэтгэлээр бүү уна. Чи ганцаараа зовоогүй л байж таарна. Юутай ч , амьд явна гэдэг үхлээс дээр.

                                                                                                                                         Эзоп

Бусдад аз таарахад бүү атаарх. Харин түүнтэй хамт баярла. Тэгэх юм бол түүний аз чинийх болно. Атаач хүн зөвхөн өөртөө л гай дууддаг .
                                                                                                                                          Эзоп
Жаргах үедээ бусдыг бүү гоочил. Дайснууддаа ууч сэтгэлээр ханд. Ямар сайн хүнийг гомдоосноо мэдээд тэд гэмшиг. Өршөөл үзүүлэх боломж гардаг л юм бол бүү алгуурла. Хувь тавилан хэзээд урваж хөрвөдгийг бат санаж яв.
                                                                                                                                          Эзоп

Гаслан зовлон л бидэнд хамгаас аугаа, хамгаас ариун нандин бүхнийг хэлж өгдөг.
                                                                                                                                       Розанов 

Цөхрөл бол бидний хамгийн том төөрөгдөл.
                                                                                                                                       Вовенарг

Бусдад аз жаргалтай харагдсан нь бус, өөрөө өөртөө сэтгэл дүүрэн байгаа нь л жинхэнээсээ аз жаргалтай.
                                                                                                                                Монтэнь

Дайснуудаа баярлуулахгүйн тулд зовлон гунигаа нууж яв.
                                                                                                                           Периандр

Юм бүхэнд алтан дундажийг барьж чадсан хүн жаргалтай, амар тайван явдаг.
                                                                                                                          Клеобул

Хангалуун амьдралд хүний муу чанарууд илрэх нь амархан. Нөгөөтэйгүүр, ядуурал хүний сайн талуудыг тодруулдаг.
                                                                                                                           Бекон

Жаргал эдэлнэ гэдэг аугаа их хувь ерөөл. Харин бусдад жаргал эдлүүлэх боломж гэдэг бол тэр их хувь ерөөлөөс ч аугаа юм.
                                                                                                                           Бекон

Хүн хэзээ ч бодож байгаа шигээ тийм золгүй байдалд ордоггүй. Бас хэзээ ч хүсч байгаа шигээ аз жаргалтай болдоггүй.
                                                                                                                           Ларушфуко

Ганц удаагийн зовлонг мянган зугаа цэнгэл ч нөхөхгүй.
                                                                                                                          Шопенхауэр

Гаслан зовлон л бидэнд хамгаас аугаа, хамгаас ариун нандин бүхнийг хэлж өгдөг.
                                                                                                                           Розанов

Золгүй явдал болоогүй байхад нь урьдчилан харна гэдэг ухаан. Нэгэнт нүүрлэсэн хойно нь түүнтэй тэмцэлдэнэ гэдэг зориг.
                                                                                                                           Питтак